Khabar Aamar

ଚେନ୍ନାଇ: ଜଣେ ନାବାଳିକାଙ୍କୁ ଯୌନ ନିର୍ଯାତନା ଦେବା ଅଭିଯୋଗରେ ତାମିଲନାଡୁର ୮୪ ବର୍ଷୀୟ ବିଶିଷ୍ଟ ଶିଳ୍ପପତି ବୀରମଣି ଓ ତାଙ୍କ ସହଯୋଗୀ ଶାନ୍ତି ଏବଂ ଶାନ୍ତିଙ୍କ ସ୍ୱାମୀ ମହେନ୍ଧିରା ଚିକ୍କନଙ୍କୁ ଗିରଫ କରାଯାଇଛି। ଏହି ମାମଲାଟି ୬ ଅକ୍ଟୋବର ୨୦୨୫ରେ ପ୍ରକାଶ ପାଇଥିଲା, ଯେତେବେଳେ ଜଣେ ଅଜଣା ବ୍ୟକ୍ତି ଗ୍ରେଟର ଚେନ୍ନାଇ ପୁଲିସର ଏକ କାର୍ଯ୍ୟାଳୟକୁ ଯାଇ ଏକ ଲିଖିତ ଅଭିଯୋଗ ସହିତ ଏକ ପେନ୍‌ ଡ୍ରାଇଭ ଦେଇଥିଲେ। ପୁଲିସର କହିବା ଅନୁଯାୟୀ, ପେନ ଡ୍ରାଇଭରେ ଏକ ଭିଡିଓ ଥିଲା ଯେଉଁଥିରେ ବୀରମଣି ତାଙ୍କ ସହଯୋଗୀ ଶାନ୍ତିଙ୍କ ଘରର ଶୟନ କକ୍ଷ ଭିତରେ ଜଣେ ନାବାଳିକା ଝିଅକୁ ଯୌନ ନିର୍ଯାତନା ଦେଉଥିବାର ଦେଖାଯାଇଥିଲା। ଅଭିଯୋଗ ପରେ ଚେନ୍ନାଇ ପୁଲିସର କେନ୍ଦ୍ରୀୟ ଅପରାଧ ଶାଖା, ତଦନ୍ତ ବିଭାଗ ଅକ୍ଟୋବର ୭ ରେ ଏକ ମାମଲା ରୁଜୁ କରିଥିଲା। ପରବର୍ତ୍ତୀ ତଦନ୍ତ ସମୟରେ, ପୁଲିସ ଜାଣିପାରିଲା ଯେ ଭିଡିଓରେ ଦେଖାଯାଉଥିବା ବ୍ୟକ୍ତି ଜଣକ ଶିଳ୍ପପତି ବୀରମଣି। ବୀରମଣି, ଶାନ୍ତି ଓ ମହେନ୍ଧିରା ଚିକ୍କନଙ୍କୁ ଗିରଫ କରାଯାଇ କୋର୍ଟରେ ହାଜର କରାଯାଇଥିଲା, ଯେଉଁଠାରେ ତିନି ଅଭିଯୁକ୍ତଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି। ଅପରାଧର ସମ୍ପୂର୍ଣ୍ଣ ପରିସ୍ଥିତି ପ୍ରତିଷ୍ଠା କରିବା ପାଇଁ ପୁଲିସ ଜବତ ସାମଗ୍ରୀ ଓ ଅନ୍ୟାନ୍ୟ ପ୍ରମାଣ ଯାଞ୍ଚ କରିବା ସହିତ ତଦନ୍ତ ଜାରି ରହିଛି। କର୍ତ୍ତୃପକ୍ଷ ଗିରଫ ହୋଇଥିବା ପ୍ରତ୍ୟେକ ଅଭିଯୁକ୍ତଙ୍କ ଭୂମିକା ଓ ...

  ନୂଆଦିଲ୍ଲୀ: ଶ୍ରୀଲଙ୍କା ବିପକ୍ଷ ଟେଷ୍ଟରେ ଦମଦାର ପ୍ରଦର୍ଶନ କରିବା ପରେ ଭାରତୀୟ ଟିମ୍‌ ପୁଣି ଥରେ ଟି୨୦ ଶୃଙ୍ଖଳା ଖେଳିବାକୁ ପ୍ରସ୍ତୁତି କରିଦେଇଛି। ଆସନ୍ତା ମାସରେ ଅର୍ଥାତ ସେପ୍ଟେମ୍ବରେ ଭାରତ ଏବଂ ଆଫଗାନିସ୍ତାନ ମଧ୍ୟରେ ୩ଟି ମ୍ୟାଚ୍‌ ବିଶିଷ୍ଟ ଟି୨୦ ଖେଳାଯିବ। କୁହାଯାଉଛି ଯେ, ମୁଖ୍ୟ ଚୟନକର୍ତ୍ତା ଅଜିତ ଆଗରକରଙ୍କ ନେତୃତ୍ବରେ ଚୟନ କମିଟି ସେପ୍ଟେମ୍ବର ୩ ତାରିଖରେ ଏହି ଶୃଙ୍ଖଳା ପାଇଁ ଟିମ୍‌ ଇଣ୍ଡିଆର ଘୋଷଣା କରିବେ। ଆଫଗାନିସ୍ତାନ ବିପକ୍ଷ ଟିମ୍‌ରେ ଅନେକ ଖେଳାଳିଙ୍କୁ ସୁଯୋଗ ମିଳିପାରେ। ଟି୨୦ ଶୃଙ୍ଖଳା ଆସନ୍ତା ସେପ୍ଟେମ୍ବର ୧୩ ତାରିଖ ଠାରୁ ଆରମ୍ଭ ହେବ। ପ୍ରଶଂସକଙ୍କ ପାଇଁ ଭଲ ଖବର ଯେ, ଏହି ଶୃଙ୍ଖଳାର ୩ଟି ମ୍ୟାଚ୍‌ ଅରୁଣ ଜେଟଲୀ ଷ୍ଟାଡିୟମରେ ଖେଳାଯିବ। ସମସ୍ତ ମ୍ୟାଚ୍‌ ସନ୍ଧ୍ୟା ୭ଟାରେ ଆରମ୍ଭ ହେବ। ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ ଚୟନକାରୀ ଏହି ଶୃଙ୍ଖଳା ପାଇଁ ଏସୀୟ କ୍ରୀଡ଼ାରେ ଯୋଗ ଦେଉଥିବା ଖେଳାଳିମାନଙ୍କର ଉପରେ ଭରସା କରିପାରନ୍ତି। ଯଦି ଏହା ହୁଏ, ତା’ହେଲେ ଶ୍ରେୟସ ଆୟର ଟିମ୍‌ର ନେତୃତ୍ବ ନେବେ। ତାଙ୍କ ବ୍ୟତୀତ ଈଶାନ କିଶନ, ଅଭିଷେକ ଶର୍ମା, ବୈଭବ ସୂର୍ଯ୍ୟବଂଶୀ ଏବଂ ତିଳକ ବର୍ମାଙ୍କ ଭଳି ଖେଳାଳିଙ୍କୁ ଟିମ୍‌ରେ ସ୍ଥାନ ମିଳିପାରେ। Cricket: ସଂଜୟ ବାଙ୍ଗରଙ୍କ ଝିଅଙ୍କୁ କ୍ରିକେଟ୍‌ ଖେଳିବାକୁ ଅନୁମତି ଦେଲା ଏହି ଦେଶ ଏହା ବ୍ୟତୀତ କୁହାଯାଉଛି ଯେ, ସ୍ପିନର ବରୁଣ ଚକ୍ରବର୍ତ୍ତୀ...

ନୂଆଦିଲ୍ଲୀ: ଦିଲ୍ଲୀରେ ଆସନ୍ତା ମାସ ୧୨ ଓ ୧୩ ତାରିଖରେ ବ୍ରିକ୍ସ ସମ୍ମିଳନୀ ଅନୁଷ୍ଠିତ ହେବ। ଏଥିପାଇଁ ସେପ୍ଟେମ୍ବର ୧୧ରୁ ୧୩ ତାରିଖ ପର୍ଯ୍ୟନ୍ତ ଦିଲ୍ଲୀର ବିଳାସପୂର୍ଣ୍ଣ ହୋଟେଲରେ ରୁମ୍‌ଗୁଡ଼ିକ ପ୍ରାୟତଃ ବିକ୍ରି ହୋଇଗଲାଣି। ଯେଉଁ କେତେକ ରୁମ୍‌ ଖାଲି ରହିଛି ତାହାର ଦର ରାତିକ ପିଛା ୧ ଲକ୍ଷ ଟଙ୍କାରୁ ଅଧିକ ହୋଇଯାଇଛି। ହୋଟେଲ ବୁକିଂ ପ୍ଲାଟଫର୍ମ ଗୁଡ଼ିକରୁ ଜଣାଯାଇଛି ଯେ ସେପ୍ଟେମ୍ବର ୧୧ରୁ ୧୩ ପର୍ଯ୍ୟନ୍ତ ତାଜ୍‌ ମହଲ ଏବଂ ତାଜ୍‌ ପ୍ୟାଲେସ୍‌ରେ କିଛି ରୁମ୍‌ ଉପଲବ୍ଧ ନାହିଁ। ସେହିଭଳି ଓବରୟ ହୋଟେଲରେ ମଧ୍ୟ ସବୁ ରୁମ୍‌ ବିକ୍ରି ହୋଇଯାଇଛି। ଉପରୋକ୍ତ ଦିନଗୁଡ଼ିକ ପାଇଁ ଲୀଲା ପ୍ୟାଲେସ୍‌ ହୋଟେଲ ରୁମ୍‌ ବୁକିଂ ଗ୍ରହଣ କରୁନାହିଁ। ଆଇଟିସି ମୌର୍ଯ୍ୟ ଏବଂ ଶାଙ୍ଗ୍ରି-ଲା ଇରୋସ୍‌ ହୋଟେଲ ରୁମ୍‌ ଚାର୍ଜ ବହୁ ଅଧିକ ରଖିଛନ୍ତି। ଯଦିଓ ସମ୍ମିଳନୀ ଦୁଇ ଦିନ ପାଇଁ ହେବ ତଥାପି ପ୍ରତିନିଧିମାନେ ପୂର୍ବରୁ ଆସି ପହଞ୍ଚିବା ସହ ଅଧିକ ଦିନ ପାଇଁ ମଧ୍ୟ ରହିବେ। ଏଥିଯୋଗୁ ରୁମ୍‌ ଚାହିଦା ବଢ଼ିଯାଇଛି। BRICS Summit: ବ୍ରିକ୍ସ ସମ୍ମିଳନୀ ନିମନ୍ତ୍ରଣର ଏଯାଏଁ ଉତ୍ତର ଦେଇନି ବାଂଲାଦେଶ ଏଥିପାଇଁ ଦିଲ୍ଲୀକୁ ଆସୁଥିବା ପର୍ଯ୍ୟଟକ, ବ୍ୟବସାୟୀ ଏବଂ ପରିବାରଗୁଡ଼ିକ ହୋଟେଲ ରୁମ୍‌ ପାଇବା ପାଇଁ ଅଧିକ ଖର୍ଚ୍ଚ କରିବାକୁ ହେବ କିମ୍ବା ଦିଲ୍ଲୀଠାରୁ ଦୂରରେ ସେମାନଙ୍କୁ ହୋଟେଲ ଖୋଜିବାକୁ ହେବ।

  ଭୁବନେଶ୍ବର: ଉତ୍ତର ଓଡ଼ିଶା ଉପକୂଳରେ ଆଜି ସକାଳେ ଲଘୁଚାପ କ୍ଷେତ୍ର ସୃଷ୍ଟି ହୋଇଛି। ଆଗାମୀ ୪୮ ଘଣ୍ଟାରେ ଏହା ଓଡ଼ିଶା ଉପକୂଳ ଦେଇ ଅତିକ୍ରମ କରିବ। ପ୍ରଭାବରେ ଦୁଇ ଦିନ ଧରି ରାଜ୍ୟର ଅଧିକାଂଶ ଜିଲ୍ଲାରେ ପ୍ରବଳ ବର୍ଷା ହେବ। ପଶ୍ଚିମ ଓ ଉତ୍ତର ଓଡ଼ିଶାରେ ଅତିପ୍ରବଳ ବର୍ଷା ହେବ। ସେପ୍ଟେମ୍ବର ୧ରୁ ବର୍ଷାର ପ୍ରଭାବ କମିବ। ଲଘୁଚାପ କାରଣରୁ ଅଗଷ୍ଟ ୩୧ ପର୍ଯ୍ୟନ୍ତ ଓଡ଼ିଶା ଉପକୂଳରେ ସମୁଦ୍ର ଅଶାନ୍ତ ରହିବ। ୬୦ କିମି ବେଗରେ ଝଟକା ପବନ ବହିବାର ଆଶଙ୍କା ରହିଛି। ଏହି ସମୟରେ ମତ୍ସ୍ୟଜୀବୀଙ୍କୁ ସମୁଦ୍ର ଭିତରକୁ ଯିବାକୁ ବାରଣ କରାଯାଇଛି।ଭାରତୀୟ ପାଣିପାଗ ବିଭାଗ ଭୁବନେଶ୍ବର କାର୍ଯ୍ୟାଳୟ ମୁଖ୍ୟ ଡ. ମନୋରମା ମହାନ୍ତି କହିଛନ୍ତି, ଆଜି ରାଜ୍ୟରେ କିଛି ସ୍ଥାନରେ ହାଲୁକାରୁ ମଧ୍ୟମଧରଣର ବର୍ଷା ହୋଇଛି। ମୟୂରଭଞ୍ଜ ଜିଲ୍ଲାରେ ସର୍ବାଧିକ ୧୫୯ ମିମି ବର୍ଷା ହୋଇଛି। ୪ଟି ସ୍ଥାନରେ ପ୍ରବଳ ବର୍ଷା ରେକର୍ଡ କରାଯାଇଛି। ଗଜପତି ଜିଲ୍ଲାରେ ସ୍ବାଭାବିକଠାରୁ କମ୍‌ ବର୍ଷା ହୋଇଛି। ଉତ୍ତର-ପଶ୍ଚିମ ବଙ୍ଗୋପସାଗର ଓ ସଂଲଗ୍ନ ପଶ୍ଚିମବଙ୍ଗ-ବାଂଲାଦେଶ ଉପକୂଳରେ ଘୂର୍ଣ୍ଣିବଳୟ ପ୍ରଭାବରେ ଉତ୍ତର-ପଶ୍ଚିମ ବଙ୍ଗୋପସାଗର ଓ ସଂଲଗ୍ନ ପଶ୍ଚିମବଙ୍ଗ-ଉତ୍ତର ଓଡ଼ିଶା ଉପକୂଳରେ ସକାଳ ସାଢ଼େ ୫ଟାରେ ଲଘୁଚାପ କ୍ଷେତ୍ର ସୃଷ୍ଟି ହୋଇଛି। ଘୂର୍ଣ୍ଣିବଳୟ ସମୁଦ୍ର ପତ୍ତନଠାରୁ ୭.୬ କିଲୋମିଟର ଉଚ୍ଚତା ପର୍ଯ୍ୟନ୍ତ ବ୍ୟାପ୍ତ ରହିଛି। ଉତ୍ତର ଓଡ଼ିଶା ଉପକୂଳର...

  ମୁମ୍ବାଇ: ଜଣାଶୁଣା ନିର୍ଦ୍ଦେଶକ ରାକେଶ ଓମପ୍ରକାଶ ମେହରା ତାଙ୍କର ସବୁଠାରୁ ମହତ୍ୱାକାଂକ୍ଷୀ ସିନେମା‘ କର୍ଣ୍ଣ’ ପାଇଁ ଏବେ ଯଥେଷ୍ଟ ସମୟ ଦେଉଛନ୍ତି। ଏକ୍ସେଲ ଏଣ୍ଟରଟେନମେଣ୍ଟ ଦ୍ୱାରା ପ୍ରସ୍ତୁତ ହେବାକୁ ଥିବା ଏହି ସିନେମାରେ ସଲମାନ୍ ଖାନ୍ ଖାନ୍ ଟାଇଟଲ୍ ରୋଲରେ ନଜର ଆସିବେ। ଏହି ଫିଲ୍ମଟି ଗତ ୫ ବର୍ଷ ଧରି ନିର୍ମାଣ ଚାଲିଛି, ଏବଂ ନିର୍ମାତାଶେଷରେ ୨୦୨୭ ଅଗଷ୍ଟରେ ଏହାକୁ ଆରମ୍ଭ କରିବାକୁ ଯାଉଛନ୍ତି। ତେବେ, ମହାଭାରତର ସବୁଠାରୁ ସଂଘର୍ଷପୂର୍ଣ୍ଣ ଚରିତ୍ର ଉପରେ ଆଧାରିତ ଏହି ଯୁଦ୍ଧ ମହାକାବ୍ୟରେ ମୁଖ୍ୟ ଭୂମିକାରେ ଅଭିନୟ କରିବାକୁ ଯାଉଥିବା ବଲିଉଡ ସୁପରଷ୍ଟାର ସଲମାନ ଖାନଙ୍କ ବିପକ୍ଷରେ କିଏ ନାୟିକା ସାଜିବେ, ତାହା ସ୍ପଷ୍ଟ ହୋଇନାହିଁ। କର୍ଣ୍ଣଙ୍କ ପାଇଁ କାଷ୍ଟିଂ ଏବଂ ପ୍ରି-ପ୍ରଡକ୍ସନ୍ କାମ ଜାରି ରହିଥିବା ବେଳେ ରାକେଶ ଓମପ୍ରକାଶ ମେହରା ଏହା ପୂର୍ବରୁ ବିକ୍ରାନ୍ତ ମାସେଙ୍କ ସହିତ ଏକ ୩୦ ଦିନର ଛୋଟ ଫିଲ୍ମର ନିର୍ଦ୍ଦେଶନା ଦେବେ। "ରାକେଶ ଓମପ୍ରକାଶ ମେହରା ତାଙ୍କର ପରବର୍ତ୍ତୀ ନିର୍ଦ୍ଦେଶନାରେ ବିକ୍ରାନ୍ତ ମାସେଙ୍କୁ ମୁଖ୍ୟ ଭୂମିକାରେ ଅଭିନୟ କରିବାକୁ ନିଷ୍ପତ୍ତି ନେଇଛନ୍ତି, ଯାହାକୁ ଏକ ଛୋଟ ସହର ପ୍ରେମ କାହାଣୀ ବୋଲି କୁହାଯାଉଛି। ଦର୍ଶକଙ୍କୁ ବିକ୍ରାନ୍ତ ମାସେଙ୍କ ସହିତ ଏକ ରୋମାଣ୍ଟିକ ଯାତ୍ରାରେ ନେବାକୁ ଚାହୁଁଛନ୍ତି,ବୋଲି ନିର୍ଦ୍ଦେଶକ ରାକେଶ ଓମପ୍ରକାଶ ମେହରା କହିଛନ୍ତି। ‘କର୍ଣ୍ଣ’ ଦୁଇ ଭାଗ ବି...

ରାଉରକେଲା: ରାଉରକେଲା ସର୍କିଟ ହାଉସ ବନ୍ଧୁକ ଜବତ ଘଟଣାଗିରଫ ଅପରାଧୀଙ୍କ ସହ ସମ୍ପୃକ୍ତିର ନିରପେକ୍ଷ ତଦନ୍ତ ଓ ଗଣମାଧ୍ୟମରେ ଦେଇଥିବା ଅଶାଳୀନ ମନ୍ତବ୍ୟ ପାଇଁ କେନ୍ଦ୍ରମନ୍ତ୍ରୀ ଜୁଏଲ ଓରାମଙ୍କ ଇସ୍ତଫା ଦାବି କରିଛି କଂଗ୍ରେସ l ଆଜି ଉଦିତନଗର ଆମ୍ବେଦକର ଛକରେ ଜିଲ୍ଲା ଯୁବ, ଛାତ୍ର ଓ ମହିଳା କଂଗ୍ରେସ ପକ୍ଷରୁ ବିକ୍ଷୋଭ କରାଯାଇଛି l ଜୁଏଲ ଇସ୍ତଫା ନ ଦେଲେ ଆଗାମୀ ଦିନରେ ଆନ୍ଦୋଳନକୁ ଆହୁରି ଜୋରଦାର କରାଯିବାକୁ ଚେତାବନୀ ଦିଆଯାଇଛି l ଜିଲ୍ଲା କଂଗ୍ରେସର ପୂର୍ବତନ ସଭାପତି ଜ୍ଞାନେନ୍ଦ୍ର ଦାସ କହିଛନ୍ତି ନିଜକୁ ଜଣେ ଟାଣୁଆ ଆଦିବାସୀ ନେତା କହୁଥିବା ଜୁଏଲ ସୁନ୍ଦରଗଡ଼ର ଆଦିବାସୀଙ୍କ ପାଇଁ କିଛି କରି ନାହାନ୍ତି l ସେ କଣ ଚ୍ୟାଲେଞ୍ଜ ଦେଉଛନ୍ତି, ଆମେ ଚ୍ୟାଲେଞ୍ଜ ଦେଉଛୁ ନିର୍ବାଚନ ଲଢ଼ି ଦେଖାନ୍ତୁ l ଜିଲ୍ଲାବାସୀ ଏହାର ଦୃଢ ଜବାବ ଦେବେ l ସେପଟେ ଏହି ଘଟଣାରେ ଜିଲ୍ଲା ବିଜେଡି ପୁରା ଚୁପ ରହିଛି l ବିଜେପିର ଗୋଟିଏ ଗୋଷ୍ଠୀ ଜୁଏଲଙ୍କୁ ହଟାଇବାକୁ ଲାଗି ପଡିଛନ୍ତି l